పూరి జగన్నాథ్ ప్రస్తుతం రామ్ పోతినేని హీరోగా “డబుల్ ఇస్మార్ట్” సినిమా చేస్తున్నాడు. ఈ సినిమా తర్వాత పూరి, యంగ్ హీరో తేజు సజ్జ తో సినిమా చేయబోతున్నట్లు తెలుస్తోంది. ఈ మేరకు పూరి జగన్నాథ్ కథ కూడా చెప్పాడని తెలుస్తోంది. డబుల్ ఇస్మార్ట్ సినిమా రిలీజ్ అనంతరం, తేజు సజ్జ తో పూరి చేసే సినిమా అనౌన్స్ మెంట్ వచ్చే అవకాశం వుందని టాక్ నడుస్తోంది.

ఇక “డబుల్ ఇస్మార్ట్” విషయానికి వస్తే.. ఈ సినిమాలో ఎమోషన్ ఉన్నా.. మెయిన్ గా యాక్షన్ బేస్డ్ గానే సినిమా నడుస్తోందని తెలుస్తోంది. కాగా ఈ మూవీలో సంజయ్ దత్ కీలక పాత్ర చేస్తుండగా పూరి కనెక్ట్స్ బ్యానర్ పై పూరి జగన్నాథ్ ఈ చిత్రాన్ని గ్రాండ్ గా నిర్మిస్తున్నారు. ఈ సినిమా తెలుగు, తమిళం, కన్నడ, మలయాళం మరియు హిందీ భాషల్లో విడుదల కానుంది. పూరి జగన్నాధ్ మరియు ఛార్మి కౌర్ కలిసి పూరీ కనెక్ట్స్‌పై, విషు రెడ్డి సీఈవోగా ఈ చిత్రాన్ని నిర్మించనున్నారు.