నందమూరి బాలకృష్ణ, దర్శకుడు బాబీ కాంబినేషన్‌ లో ఓ సినిమా రాబోతున్న సంగతి తెలిసిందే. ఐతే, ఈ సినిమా లో నటి శ్రియా రెడ్డి ఓ కీలక పాత్ర పోషిస్తోందని తెలుస్తోంది. శ్రియా రెడ్డి .. నెగెటివ్ షేడ్స్ కలిగిన పాత్రలలో నటించి మంచి పేరు తెచ్చుకుంది. పైగా సలార్ తర్వాత ఆమె రేంజ్ పెరిగింది. మరి ఇప్పుడు బాలయ్య సినిమాలో శ్రియా రెడ్డి ఏ స్థాయిలో తన విలనిజాన్ని చూపిస్తోందో చూడాలి. అన్నట్టు వచ్చే షెడ్యూల్ లో శ్రియా రెడ్డి ఈ సినిమా షూట్ లో జాయిన్ కానుంది.
ఇక ఈ సినిమాలోని యాక్షన్ విజువల్స్ కూడా వండర్ ఫుల్ గా ఉంటాయట. ముఖ్యంగా బాలయ్య గెటప్ అండ్ సెటప్ చాలా థ్రిల్లింగ్ గా ఉంటుందట. కాగా ఈ చిత్రంలో ఊర్వశి రౌటేలా, బాబీ డియోల్, చాందిని చౌదరి మరియు ఇతరులు ముఖ్యమైన పాత్రల్లో నటిస్తున్నారు. సితార ఎంటర్‌టైన్‌మెంట్స్‌ పతాకంపై నాగ వంశీ, ఫార్చూన్‌ఫోర్ సినిమాపై సాయి సౌజన్య నిర్మిస్తున్న ఈ చిత్రానికి థమన్ సంగీతం అందిస్తున్నారు.