నారా రోహిత్ హీరో గా నటిస్తోన్న రొమాంటిక్ యాక్షన్ ఎంటర్టైనర్ ‘సోలో – సాలిడ్ లవ్ స్టోరీ’. ఈ చిత్రం నవంబర్ 24 న తెరలను తాకేందుకు సిద్ధంగా ఉంది. ఈ చిత్రానికి పరశురాం దర్శకత్వం వహిస్తుండగా, హీరోయిన్ గా నిషా అగర్వాల్ నటిస్తుంది. ఈ మూవీ ఎస్వికె బ్యానర్ పై నిర్మితమవుతోంది.
ఈ చిత్ర ఆడియో లాంచ్ కార్యక్రమం అక్టోబర్ 22 న శిల్పా కళా వేదిక లో జరుగబోతుంది. మణిశర్మ ఈ మూవీ కి స్వరాలూ సమకూర్చాడు. ప్రముఖ నటి సుహాసిని ఈ చిత్రంలో చాలా ముఖ్యమైన పాత్ర లో నటిస్తుంది.
తన తొలి చిత్రం ‘బాణం’ ద్వారా నారా రోహిత్ పరిశ్రమ వర్గాల దృష్టిని ఆకర్షించాడు. ఆ మూవీ లో రోహిత్ మంచి నటనను ప్రదర్శించాడు. కాజల్ సోదరి నిషా అగర్వాల్ కు ఈ చిత్రం బ్రేక్ తెచ్చే అవకాశం కూడా కనిపిస్తుంది.
