హీరో నిఖిల్ రాబోయే చిత్రం ‘వీడు తేడా’. ఈ మూవీ నవంబర్ రెండవ వారంలో విడుదలయ్యేందుకు సిద్ధమౌతోంది. ఈ సినిమా ఆడియో ఇప్పటికే విడుదలైంది. ప్రస్తుతం పోస్ట్ ప్రొడక్షన్ పనులు జరుగుతున్నాయి. అదేసమయంలో విడుదలకబోతున్న భారీ సినిమాలతో పోటీ పాడేందుకు ‘వీడు తేడా’ అన్ని హంగులూ అద్దుకుంటోంది. నిఖిల్, పూజా ఈ చిత్రం లో ప్రధాన పాత్రలు పోషిస్తున్నారు.
ఈ మూవీ తో బి.చిన్నికృష్ణ దర్శకునిగా అరంగేట్రం చేస్తున్నారు. చిన్ని చాలా కాలం ప్రముఖ దర్శకుడు వివి వినాయక్ దగ్గర పనిచేశారు. లక్ష్మీ నరసింహ ఎంటర్ టైన్మెంట్ బ్యానర్ పై ప్రకాష్ ఈ చిత్రాన్ని నిర్మిస్తున్నారు. చక్రి మ్యూజిక్ కంపోజ్ చేస్తున్నారు. ఎడిటింగ్ గౌతం రాజు, సినిమాటోగ్రాఫర్ జోషి.
