మెగా పవర్ స్టార్ రామ్ చరణ్ తేజ్ – వివి వినాయక్ కాంబినషన్ లో ఓ సరికొత్త చిత్రం రాబోతోంది. నవంబర్ 9 వ తేదీన అన్నపూర్ణ స్టూడియోస్ లో ఈ సినిమా ప్రారంభం కానుంది. ఈ మూవీ లో చరణ్ సరసన కాజల్ నటించనుంది. సూపర్ హిట్ మూవీ మగధీర అనంతరం ఈ జోడీ మళ్ళీ కనువిందు చేయనున్దన్నమాట. అయితే ఈ చిత్రం లో నటించే మరో హీరోయిన్ ను ఇంకా ఫైనల్ చేయలేదు.
రామ్ చరణ్ తేజ్ హీరో గా నటిస్తోన్న చిత్రానికి వివి వినాయక దర్శకత్వం వహించటం ఇదే తొలిసారి. డివివి దానయ్య ఈ చిత్రానికి నిర్మాత. ఈ సినిమా రెగ్యులర్ షూటింగ్ వచ్చే ఏడాది మొదలయ్యే అవకాశముంది. ఆకుల శివ ఈ మూవీ కి స్క్రిప్ట్ అందిస్తుండగా, కోన వెంకట్ డైలాగ్స్ వ్రాస్తున్నారు.
