నారా రోహిత్ హీరో గా నటిస్తోన్న తదుపరి చిత్రం ‘సోలో’ . “ఎ సాలిడ్ లవ్ స్టొరీ” క్యాప్షన్ తో వస్తోన్న ఈ రొమాంటిక్ యాక్షన్ ఎంటర్ టైనర్, పోస్ట్ ప్రొడక్షన్ పనులు శరవేగం గా పూర్తి చేసుకుంటుంది. మాకందిన విశ్వసనీయ సమాచారం ప్రకారం ఈ చిత్ర సౌండ్ ట్రాక్ రీ- రికార్డింగ్ పనులు చెన్నై లోని మణిశర్మ స్టూడియోస్ లో పూర్తి అయ్యాయి. మిగిలిన పోస్ట్ ప్రొడక్షన్ పనులు ఈనెల 20 వ తేదీకి పూర్తయ్యే అవకాశం ఉంది.
‘సోలో’ సినిమా నవంబర్ 25 వ తేదీన భారీ ఎత్తున విడుదల కాబోతోంది. ఈ చిత్రానికి పరశురాం దర్శకత్వ బాధ్యతలు నిర్వర్తిస్తున్నారు. ఎస్వికె బ్యానర్ పై వంశీ కృష్ణ శ్రీనివాస్ ఈ సినిమా నిర్మిస్తున్నారు. ఈ చిత్రానికి మణిశర్మ సంగీతం అందించారు. ఇప్పటికే ఈ మూవీ ఆడియో కు మంచి స్పందన లభించింది.
విమర్శకుల ప్రసంసలు సైతం అందుకున్న ‘బాణం’ చిత్రం తర్వాత నారా రోహిత్ ఈ చిత్రం లో నటిస్తున్నారు. కాజల్ అగర్వాల్ సోదరి నిషా అగర్వాల్ ఈ చిత్రం లో హీరోయిన్ గా నటిస్తోంది.
