పరశురామ్ దర్శకత్వంలో విజయ్ దేవరకొండ, రష్మిక మందన్నా జంటగా తెరకెక్కిన ‘గీత గోవిందం’ చిత్రం ఆగష్టు 15న రిలీజ్ అయి అద్భుతమైన కలెక్షన్స్ తో వంద కోట్ల క్లబ్లో చేరి భారీ బ్లాక్ బ్లస్టర్ గా నిలిచిన విషయం తెలిసిందే. అయితే ఈ చిత్రంలో నటించిన హీరో హీరోయిన్లు ఇప్పటికే వేరే చిత్రాల్లో నటిస్తూ బిజీ బిజీగా ఉంటే.. ఈ చిత్ర దర్శకుడు పరశురామ్ మాత్రం.. ఇంకా తన తర్వాత చిత్రాన్ని కూడా ప్రకటించలేదు.
కానీ వంద కోట్ల భారీ చిత్రాన్ని రూపొందించిన దర్శకుడు కాబ‌ట్టి.. ప్రస్తుతం పరుశురామ్ కి భారీ డిమాండే ఉంది. ఇప్పటికే బడా ప్రొడ్యూసర్స్ దగ్గరనుంచి, చోటా ప్రొడ్యూసర్స్ వరకు పరుశురామ్ తో సినిమా చెయ్యటానికి ఇంట్రస్ట్ చూపిస్తున్నారు. అడ్వాన్స్ లు ఇవ్వడానికి రెడీగా ఉన్నారు. కానీ పరుశురామ్ మాత్రం ఏ విషయమైనా స్క్రిప్ట్ తర్వాతే అని దాటి వేస్తున్నాడట.
కాగా తాజాగా సినీవర్గాల సమాచారం ప్రకారం.. మైత్రీ మూవీస్‌ సంస్థ పరశురామ్ కి అడ్వాన్స్ ఇచ్చిన‌ట్టు తెలుస్తోంది. అయితే గీతా ఆర్ట్స్ కూడా పరశురామ్ తో తమ సినిమా ఉంటుందని ఇప్పటికే ప్రకటించింది. మరి పరుశురామ్ తన తర్వాతి సినిమాని మైత్రీ మూవీస్‌ కి చేస్తాడా ? లేక గీతా ఆర్ట్స్ కి చేస్తాడో చూడాలి. ప్రస్తుతం పరుశురామ్ ఒక వ్యక్తికీ దేవుడికి సంబంధించిన కథ రాసే పనిలో ఉన్నారు. కథకి మంచి క్యారెక్టరైజేషన్స్ సెట్ అయ్యాయని, మూవీ మొత్తం ఫుల్ ఎంటరైన్మెంట్ తో సాగుతుందని, ముఖ్యంగా మనిషికి దేవుడికి మధ్య సాగే ట్రాక్ చాలా బాగా ఆకట్టుకుంటుందని తెలుస్తోంది. మరి పరుశురామ్ ఈ చిత్రంతో కూడా భారీ బ్లాక్ బ్లస్టర్ కొడతాడేమో చూడాలి.
