శ్రీ రామ చిత్రం అధ్బుత దృశ్య కావ్యంగా రూపొందటంలో సెట్లు కీలక పాత్ర పోషించాయి. రాముని ఏకాంత మందిరం, సూర్య దేవుడి నిలువెత్తు విగ్రహం వంటివి అధ్బుతంగా తీర్చిదిద్దారు.
హాలీవుడ్ చిత్రాల్లో మాత్రమే సాధ్యమయ్యే కొన్ని సెట్లను చేసి చూపించగలిగారు ఈ చిత్ర ఆర్ట్ డైరెక్టర్ కిరణ్ కుమార్. హైదరాబాదులో జరిగిన విలేఖరుల సమావేశంలో కిరణ్ కుమార్ మాట్లాడుతూ చిత్రంలోని ముఖ్యమైన సెట్లను 90 రోజుల్లో పూర్తి చేసామని చెప్పారు.
ఆ సెట్లను చూసిన వెంటనే బాలకృష్ణ మరియు బాపు గారు అధ్బుతంగా తీర్చిదిద్దావని తనను మెచ్చుకున్నారని అన్నారు. ప్రస్తుతం కిరణ్ ఉపేంద్రతో కలిసి కళ్యాణ్ రామ్ రూపొందిస్తున్న 3D చిత్రానికి పనిచేస్తున్నారు.
