మెగాపవర్ స్టార్ రామ్ చరణ్ మరియు యంగ్ టైగర్ ఎన్టీఆర్ లతో దర్శక దిగ్గజం ఎస్ ఎస్ రాజమౌళి తెరకెక్కించిన భారీ పాన్ ఇండియా మల్టీస్టారర్ చిత్రం “రౌద్రం రణం రుధిరం”. అనేక అంచనాలు నడుమ వచ్చి థియేటర్స్ లో రికార్డు వసూళ్లతో అదరగొట్టిన ఈ చిత్రం రీసెంట్ గా ఓటీటీ లోకి వచ్చి ఇంటర్నేషనల్ వైడ్ కనీ వినీ ఎరుగని రెస్పాన్స్ తో దూసుకెళ్తుంది.
ముఖ్యంగా నెట్ ఫ్లిక్స్ లో ఈ సినిమా రిలీజ్ అయ్యాక ప్రపంచ వ్యాప్తంగా సాలిడ్ రెస్పాన్స్ ని అందుకున్న ఈ సినిమా మొదటి వారం ఏకంగా 18 మిలియన్ కి పైగా గంటలు స్ట్రీమింగ్ తో నాన్ ఇంగ్లీష్ సినిమాల లిస్ట్ లో ఆల్ టైం రికార్డ్ నమోదు చేయగా ఇప్పుడు ఇదే హవాని రెండో వారంలో కూడా కొనసాగిస్తున్నట్లుగా తెలుస్తోంది.
మరి రెండో వారంలో అయితే ఈ సినిమా 13 మిలియన్ కి పైగా స్ట్రీమింగ్ హవర్స్ ని దక్కించుకుందట. పైగా రెండు వారాలకి పైగా నాన్ ఇంగ్లీష్ లిస్ట్ లో భారీ మొత్తంలో 39 మిలియన్ హవర్స్ స్ట్రీమింగ్స్ అందుకున్న సినిమాగా ఇది సెన్సేషనల్ రెస్పాన్స్ ని నమోదు చేసింది. దీనితో ఈ సినిమా ఓటీటీలో ఏ రేంజ్ మాస్ ర్యాంపేజ్ చూపించిందో మనం అర్ధం చేసుకోవచ్చు.
