కాఫీ విత్ కరణ్: సెన్సేషన్ ఐటెం సాంగ్ కి స్టెప్పులేసిన సమంత, అక్షయ్!

కాఫీ విత్ కరణ్ షో అత్యంత ప్రజాదరణ పొందిన సెలబ్రిటీ టాక్ షోలలో ఒకటి. షో యొక్క సీజన్ 7 ఇప్పుడు డిస్నీ ప్లస్ హాట్‌స్టార్‌లో ప్రసారం అవుతోంది. ప్రముఖ నిర్మాత, దర్శకుడు కరణ్ జోహార్ హోస్ట్ చేసిన, సమంత మరియు అక్షయ్ కుమార్ నటించిన ఎపిసోడ్ 3 రేపటి నుండి ప్రసారానికి అందుబాటులో ఉంటుంది. OTT ప్లాట్‌ఫారమ్ తాజాగా సరికొత్త ప్రోమోను విడుదల చేయడం జరిగింది.

ఇందులో సమంత మరియు అక్షయ్ కుమార్ అల్లు అర్జున్ యొక్క పుష్ప ది రైజ్ లోని బ్లాక్ బస్టర్ హిట్ ట్రాక్ ఊ అంటావా ఊ అంటావా పాటకు స్టెప్పులు వేయడం జరిగింది. దీనికి సంబంధించిన వీడియో ప్రోమో ఇప్పుడు సోషల్ మీడియాలో హల్‌చల్ చేస్తోంది. ఈ షోలో సమంత ఏం మాట్లాడిందో తెలుసుకోవాలని సమంత అభిమానులు ఆసక్తిగా ఎదురుచూస్తున్నారు. ఈ ఎపిసోడ్ రేపు సాయంత్రం 7 గంటలకు డిస్నీ ప్లస్ హాట్‌స్టార్‌లో ప్రదర్శించబడుతుంది.