ఇళయ దళపతి విజయ్ జోసెఫ్ హీరోగా పూజా హెగ్డే హీరోయిన్ గా దర్శకుడు నెల్సన్ దిలీప్ కుమార్ తెరకెక్కించిన లేటెస్ట్ భారీ యాక్షన్ థ్రిల్లర్ “బీస్ట్”. విజయ్ కెరీర్ లో వరుస విజయాల తర్వాత వచ్చిన ఈ చిత్రం కూడా మంచి హిట్ గా నిలిచింది. తమిళ నాట అలాగే ఓవర్సీస్ లో మంచి వసూళ్లు సాధించిన ఈ చిత్రం మన తెలుగులో కూడా విజయ్ కెరీర్ లోనే అత్యధిక ఓపెనింగ్స్ అందుకొని అదరగొట్టింది.
మరి పాన్ ఇండియా లెవెల్లో రిలీజ్ చేసిన ఈ చిత్రం ఇపుడు అయితే మన తెలుగులో ఇప్పుడు ఈ చిత్రం వరల్డ్ టెలివిజన్ ప్రీమియర్ గా టెలికాస్ట్ కానున్నట్టుగా ఫిక్స్ అయ్యింది. ఈ సినిమాని నిర్మాణం వహించిన సన్ పిక్చర్స్ వారి ఛానెల్ జెమినీ టీవీ లో ప్రసారం కావడానికి సిద్ధం అయ్యింది.
మరి ఇంకా డేట్ అయితే అనౌన్స్ కాలేదు కానీ అతి త్వరలో టెలికాస్ట్ కానున్నట్టు చెబుతున్నారు. అయితే జెమినిలో విజయ్ సినిమాలకి మంచి రేటింగ్ ఉంది, మరి బీస్ట్ సినిమా అయితే ఎలాంటి రెస్పాన్స్ అందుకుంటుందో చూడాలి. ఇక ఈ చిత్రానికి అయితే అనిరుద్ సాలిడ్ ఆల్బమ్ ని అందించాడు.
