ప్రముఖ రియాల్టీ షో బిగ్ బాస్ తెలుగు సీజన్ 6 కోసం ప్రేక్షకులు ఎంతో ఆసక్తిగా ఎదురు చూస్తున్నారు. మొదటి ఐదు సీజన్లు సూపర్ సక్సెస్ అవ్వడం, బిగ్ బాస్ నాన్ స్టాప్ కూడా ఆకట్టుకోవడంతో.. ఇప్పుడు ప్రేక్షకుల దృష్టి మొత్తం ‘సీజన్ 6’ పై ఉంది. అయితే, ఈ సీజన్ కి కూడా హోస్ట్ గా నాగార్జుననే చేస్తున్నాడు. మరి హోస్ట్ గా నాగ్ ఎంత రెమ్యునరేషన్ తీసుకుంటున్నాడు ? అంటూ బిగ్ బాస్ లవర్స్ ఎంతో ఆసక్తిగా చర్చించుకుంటున్నారు.
ఈ క్రమంలో నాగార్జున రెమ్యునరేషన్ పై ఓ వార్త తెగ వైరల్ అవుతుంది. నాగ్ సీజన్ 6 కోసం రూ.15 కోట్లు రెమ్యునరేషన్ తీసుకుంటున్నట్లు టాక్ నడుస్తోంది. అయితే, గత సీజన్ లో మాత్రం నాగార్జున రూ.12 కోట్లు తీసుకున్నాడని తెలుస్తోంది. ఇక వచ్చే నెల 4 నుంచి డిస్నీ ప్లస్ హాట్‌ స్టార్‌ లో షో స్ట్రీమింగ్ కాబోతుంది. ఇక ఈ సీజన్‌లో ఎంత మంది, ఎవరెవరు? పాల్గొంటారనే ఉత్కంఠ ప్రేక్షకుల్లో రోజురోజుకు ఎక్కువవుతుంది.
