రవితేజ ‘రామారావు ఆన్ డ్యూటీ’ ఓటిటి రిలీజ్ డేట్ లాక్ …!

మాస్ మహారాజ రవితేజ హీరోగా దివ్యాంశ కౌశిక్ హీరోయిన్ గా వేణు తొట్టెంపూడి, రజీషా విజయన్, నాజర్, నరేష్, పవిత్ర లోకేష్ తదితరులు ఇతర పాత్రల్లో తెరకెక్కిన లేటెస్ట్ మూవీ రామారావు ఆన్ డ్యూటీ. యువ దర్శకుడు శరత్ మండవ తెరకెక్కించిన ఈ యాక్షన్ థ్రిల్లర్ మూవీలో రవితేజ, రామరావు అనే పవర్ఫుల్ ఎమ్మార్వో పాత్రలో కనిపించారు.

సామ్ సి ఎస్ సంగీతం అందించిన ఈ మూవీని శ్రీ లక్ష్మి వెంకటేశ్వర సినిమాస్ బ్యానర్ పై సుధాకర్ చెరుకూరి నిర్మించారు. అయితే ఇటీవల విడుదలైన ఈ మూవీ ఆశించిన స్థాయి విజయాన్ని మాత్రం అందుకోలేకపోయింది. విషయంలోకి వెళ్తే ఈ మూవీని సెప్టెంబర్ 15న ప్రముఖ ఓటిటి మాధ్యమం సోని లివ్ లో ప్రసారం కానున్నట్లు కొద్దిసేపటి క్రితం అఫీషియల్ అనౌన్స్ మెంట్ వచ్చింది. కాగా ఈ మూవీని థియేటర్స్ లో మిస్ అయిన వారు సెప్టెంబర్ 15 నుండి తమ ఓటిటిలో తెలుగు, తమిళ, మలయాళ, కన్నడ భషాల్లో చూసి ఎంజాయ్ చేయండి అంటూ సోని లివ్ వారు తమ సోషల్ మీడియా అకౌంట్స్ లో ట్రైలర్ రిలీజ్ చేస్తూ ప్రకటించారు.