హెబ్బా పటేల్, వశిష్ట సింహ, సాయి రోనక్, పూజిత పొన్నాడ మెయిన్ రోల్స్ లో అశోక్ తేజ్ దర్శకత్వంలో కె.కె.రాధా మోహన్‌ నిర్మించిన చిత్రం “ఓదెల రైల్వే స్టేషన్. క్రైమ్ థ్రిల్లర్ గా మొదటి నుండి అందరిలో మంచి అంచనాలు ఏర్పరిచిన ఈ మూవీ ఇటీవల ప్రముఖ ఓటిటి మాధ్యమం ఆహాలో ప్రేక్షకుల ముందుకి వచ్చింది. ఆకట్టుకునే కథ, కథనాలతో ఆద్యంతం ఆసక్తికరంగా దర్శకుడు అశోక్ తేజ్ తెరకెక్కించిన ఈ మూవీకి ఆడియన్స్ నుండి మంచి రెస్పాన్స్ లభిస్తోంది.
ఇక గడచిన తొలి వారం రోజుల్లో ఓదెల రైల్వే స్టేషన్ మూవీ ఏకంగా 3 కోట్లకు పైగా వ్యూస్ ని దక్కించుకుందని కొద్దిసేపటి క్రితం ఆహా వారు అఫీషియల్ గా ప్రకటించడం జరిగింది. రూరల్ బ్యాక్ డ్రాప్ కథగా తెరకెక్కిన ఈ మూవీలో ప్రతి ఒక్క పాత్రధారి పెర్ఫార్మన్స్ బాగుందని, దర్శకుడు అశోక్ ఆద్యంతం మూవీని నడిపిన తీరు అలరించిందని పలువురు ఈమూవీ చూసిన ఆడియన్స్ తమ సోషల్ మీడియా అకౌంట్స్ ద్వారా కామెంట్స్ చేస్తున్నారు. ఇక తమ మూవీకి ప్రస్తుతం అందరి నుండి మంచి రెస్పాన్స్ లభిస్తుండగంతో ఓదెల రైల్వే స్టేషన్ యూనిట్ ఆనందం వ్యక్తం చేస్తోంది.
