టాలీవుడ్ సూపర్ స్టార్ మహేష్ బాబుతో పాటు ఆయన సతీమణి నమ్రత శిరోద్కర్, అలానే కుమారుడు గౌతమ్ కృష్ణ, కుమార్తె సితార కూడా తరచు తమ తమ సోషల్ మీడియా అకౌంట్స్ ద్వారా పలు ఫ్యామిలీ విషయాలు ఫ్యాన్స్ తో, ఆడియన్స్ తో షేర్ చేసుకుంటూ ఉంటారు. ముఖ్యంగా సితార అయితే మరింత యాక్టివ్ గా ఉంటుంది. తనకి సోషల్ మీడియా అకౌంట్స్ తో పాటు యూట్యూబ్ ఛానెల్ కూడా ఉంది. వాటి ద్వారా తన ఫ్రెండ్ ఆద్యతో కలిసి పలు వీడియోస్ చేస్తూ మరింత క్రేజ్ అందుకుంటూ దూసుకెళుతోంది సితార.
ఇటీవల హాలీవుడ్ మూవీ ఫ్రోజెన్ 2 లో ఎల్సా చిన్నప్పటి రోల్ కి డబ్బింగ్ చెప్పి అందరినీ ఆకట్టుకున్న సితార, సర్కారు వారి పాట లో పెన్నీ లిరికల్ సాంగ్ కి స్టెప్స్ అదరగొట్టిన సంగతి తెలిసిందే. కాగా లేటెస్ట్ గా తండ్రి సూపర్ స్టార్ మహేష్ బాబు తో కలిసి ఫస్ట్ టైం ఒక టివి షోలో కనిపించింది. వివరాల్లోకి వెళితే, ప్రస్తుతం జీ తెలుగు ఛానల్ లో ప్రసారం అవుతున్న ఒక డ్యాన్సింగ్ షో యొక్క స్పెషల్ ఎపిసోడ్ కి గెస్టులుగా మహేష్ బాబు, సితార హాజరు అయ్యారు.
ఇప్పటికే ఆ షో యొక్క ప్రోమోస్ యూట్యూబ్ లో అదరగొడుతున్నాయి. కాగా ఈ విధంగా ఫస్ట్ టైం కూతురు సితారతో కలిసి బుల్లి తెరపై సందడి చేయడం ఎంతో ఆనందంగా ఉందని, ఈ మెమోరీ తన మనసులో ఎప్పటికీ నిలిచిపోతుందని, అలానే షో లో పెర్ఫార్మ్ చేసిన వారందరికీ తన తరపున అభినందనలు తెలియచేస్తూ కొద్దిసేపటి క్రితం సూపర్ స్టార్ మహేష్ బాబు తన సోషల్ మీడియా అకౌంట్స్ ద్వారా ఒక పోస్ట్ పెట్టారు.
First appearance on TV with Sitara! Thank you @ZeeTVTelugu for this absolutely incredible memory… My best wishes to all the participants of #DIDTelugu!! Coming this Sunday, Sep 4th at 9pm on Zee Telugu!#SSMBxSitaraForDIDTeluguhttps://t.co/COjpZ6Wng6
— Mahesh Babu (@urstrulyMahesh) September 3, 2022
