పాపులర్ రియాలిటీ గేమ్ షో బిగ్ బాస్ తెలుగు కొత్త పోటీ దారులతో తిరిగి వచ్చింది. ఈ కార్యక్రమం గ్రాండ్ గా ప్రారంభమైంది. ఈ కార్యక్రమం కి కొత్త జంట, బాలీవుడ్ హీరో హీరోయిన్ లు అయిన రణబీర్ కపూర్ మరియు అలియా భట్ లు, తదుపరి భారీ చిత్రం అయిన బ్రహ్మాస్త్ర ను ప్రమోట్ చేయడానికి రావడం జరిగింది.
ఈ సందర్భంగా వారు తెలుగులో మాట్లాడి అందరినీ ఆశ్చర్యపరిచారు. బ్రహ్మాస్త్ర 2 విడుదలకు ముందు తెలుగులో అనర్గళంగా మాట్లాడతానని రణబీర్ వాగ్దానం చేసాడు. తరువాత, వారిద్దరూ బ్రహ్మాస్త్ర: పార్ట్ వన్ – శివ లోని ప్రసిద్ధ కేసరియా పాటను పాడారు. బ్రహ్మాస్త్ర చిత్రం సెప్టెంబర్ 9, 2022 న ప్రపంచ వ్యాప్తంగా థియేటర్లలో విడుదల కానుంది. అయాన్ ముఖర్జీ దర్శకత్వం వహించిన ఈ చిత్రంలో అమితాబ్ బచ్చన్, మౌని రాయ్, నాగార్జున మరియు ఇతరులు ప్రముఖ పాత్రలు పోషిస్తున్నారు. ఈ చిత్రం తెలుగు వెర్షన్‌ను ఎస్‌ఎస్ రాజమౌళి సమర్పిస్తున్నారు.
