టాలీవుడ్ తో పాటు ప్రస్తుతం అటు బాలీవుడ్ లో కూడా మంచి అవకాశాలతో దూసుకెళ్తున్నారు స్టార్ హీరోయిన్ తమన్నా భాటియా. ప్రస్తుతం తెలుగులో మెగాస్టార్ చిరంజీవి కి జోడీగా భోళా శంకర్, అలానే సత్యదేవ్ తో గుర్తుందా శీతాకాలం మూవీస్ చేస్తున్న తమన్నా అటు బాలీవుడ్ లో నటించిన లేటెస్ట్ మూవీ బబ్లీ బౌన్సర్.
తన కెరీర్ లో తొలిసారిగా తమన్నా లేడీ బౌన్సర్ పాత్రలో కనిపించిన ఈ మూవీకి మధుర్ బండార్కర్ దర్శకుడు. స్టార్ స్టూడియోస్, జంగ్లీ పిక్చర్స్ సంయుక్తంగా నిర్మిస్తోన్న ఈ సినిమా సెప్టెంబర్ 23న డిస్నీ ప్లస్ హాట్ స్టార్ లో హిందీ, తమిళం, తెలుగులో స్ట్రీమింగ్ కానుండగా నేడు కొద్దిసేపటి క్రితం ఈ మూవీ అఫీషియల్ ట్రైలర్ ని రిలీజ్ చేసింది యూనిట్. బౌన్సర్ లకు కేర్ ఆఫ్ అడ్రెస్ ఫతేపూర్ బేరి గ్రామం అంటూ ప్రారంభం అయ్యే ఈ ట్రైలర్ ని బట్టి చూస్తే పదవతరగతి పాసయ్యేందుకు ఐదేళ్లుగా ప్రయత్నించే ఒక యువతీ ఆ తరువాత ఢిల్లీ వెళ్లి ఉద్యోగం చేయాలనుకోవడం, ఆ తరువాత లేడీ బౌన్సర్ గా ఉద్యోగం పొందడం జరుగుతుంది.
అయితే లేడీ బౌన్సర్ గా మారేందుకు పహిల్వాన్ లా తన శరీరాన్ని బలంగా మార్చుకునేందుకు పలు విధాలుగా ప్రయత్నాలు చేసిన యువతీ ఆ తరువాత బౌన్సర్ గా తన ఉద్యోగంలో ఎటువంటి పరిస్థితులు ఎదుర్కొంది అనే కథాంశంతో ఈ మూవీ సాగినట్లు తెలుస్తోంది. ముఖ్యంగా ఈ మూవీలో బబ్లీ పాత్ర కోసం తమన్నా ఎంతో కష్టపడ్డట్లు ట్రైలర్ ని బట్టి చూస్తే అర్ధం అవుతుంది. గ్రాండియర్ విజువల్స్, ఆకట్టుకునే ఎంటర్టైన్మెంట్, యాక్షన్ సీన్స్, బ్యాక్ గ్రౌండ్ స్కోర్ ట్రైలర్ లో బాగున్నాయి. మొత్తంగా అందరిలో బబ్లీ బౌన్సర్ ట్రైలర్ మూవీ పై బాగానే ఆసక్తిని రేకెత్తించింది అని చెప్పాలి. మరి తొలిసారిగా తన కెరీర్ లో లేడీ బౌన్సర్ గా తమన్నా చేసిన ఈ మూవీ ఏ రేంజ్ సక్సెస్ అవుతుందో తెలియాలి అంటే మరికొద్దిరోజలు ఓపిక పట్టాల్సిందే.
