శింబు హీరోగా వేల్స్ ఫిలిమ్స్ ఇంటర్నేషనల్ సంస్థపై ఎంతో ప్రతిష్టాత్మకంగా తెరకెక్కిన లేటెస్ట్ మూవీ వెందు తనిందతు కాదు. ఈ మూవీని తెలుగులో లైఫ్ ఆఫ్ ముత్తు పేరుతో ప్రముఖ నిర్మాత స్రవంతి రవి కిశోర్, స్రవంతి మూవీస్ బ్యానర్ పై రిలీజ్ చేసారు. కాగా ఇటీవల రిలీజ్ అయిన ఈ మూవీ అటు తమిళ్ తో పాటు ఇటు తెలుగులో సైతం సూపర్ రెస్పాన్స్ ని సొంతం చేసుకుని మంచి కలెక్షన్స్ తో కొనసాగుతోంది. గౌతమ్ మీనన్ తెరకెక్కించిన ఈ మూవీలో సిద్ధి ఇద్నాని హీరోయిన్ గా నటించింది.
యాక్షన్ తో సాగె రస్టిక్ గ్యాంగ్ స్టర్ మూవీగా తెరకెక్కిన లైఫ్ ఆఫ్ ముత్తు లో హీరో శింబు సూపర్ పెర్ఫార్మన్స్, ఆకట్టుకునే కథ, కథనాలు, మూవీని ఆద్యంతం ఆడియన్స్ ని అలరించేలా తెరకెక్కించిన దర్శకుడు గౌతమ్ మీనన్ దర్శకత్వ ప్రతిభ, ఏ ఆర్ రహమాన్ సంగీతం, బీజీఎమ్, సిద్దార్థ నుని విజువల్స్, యాక్షన్ సీన్స్, ఫైట్స్ వంటివి ప్లస్ పాయింట్స్ గా నిలిచాయి. కాగా తమ మూవీకి మంచి రెస్పాన్స్ వస్తుండడంతో యూనిట్ ఆనందం వ్యక్తం చేస్తోంది. ముఖ్యంగా నేటి ఈ మూవీ యొక్క థాంక్స్ గివింగ్ మీట్ లో భాగంగా డైరెక్టర్ గౌతమ్ మీనన్ మాట్లాడుతూ, మూవీకి కథని అందించిన జయమోహన్ కి, హీరో శింబు కి, మ్యూజిక్ డైరెక్టర్ ఏ ఆర్ రహమాన్ కి స్పెషల్ గా థాంక్స్ చెప్పాలని, తమ మూవీకి ఆడియన్స్ అందరూ ఇంత పాజిటివ్ రెస్పాన్స్ అందిస్తుండడం ఎంతో ఆనందంగా ఉందన్నారు. అలానే త్వరలో ఈ మూవీ యొక్క సీక్వెల్ గురించి పూర్తి వివరాలు వెల్లడిస్తానని ఆయన అన్నారు.
