నాచురల్ స్టార్ నాని హీరోగా మరో నాచురల్ బ్యూటీ నజ్రియా ఫహద్ హీరోయిన్ గా యంగ్ అండ్ టాలెంటెడ్ దర్శకుడు వివేక్ ఆత్రేయ దర్శకత్వం వహించిన లేటెస్ట్ ఫ్యామిలీ ఎంటర్టైనర్ చిత్రం “అంటే సుందరానికి” కోసం తెలిసిందే. నాని కెరీర్ లో ఓ డీసెంట్ ఎంటర్టైనర్ గా వచ్చిన ఈ చిత్రం ఆడియెన్స్ ని ఆకట్టుకుంది. ఇక ఇదిలా ఉండగా ఓటిటి లో కూడా మంచి సక్సెస్ ని అందుకుని ఇప్పుడు అయితే టెలివిజన్ ప్రేక్షకులని అలరించడానికి రెడీ అయ్యింది.
ఈ సినిమా శాటిలైట్ హక్కులు జెమినీ టీవీ వారు సొంతం చేసుకోగా ఇప్పుడు ఈ సినిమా టెలికాస్ట్ పై అయితే డేట్ ని ఫిక్స్ చేసేసారు. ఈ చిత్రాన్ని వరల్డ్ టెలివిజన్ ప్రీమియర్ గా ఈ అక్టోబర్ 2న చేస్తున్నట్టుగా ఇప్పుడు అనౌన్స్ చేశారు. మరి దీనితో అయితే ఫ్యామిలీ ఆడియెన్స్ కి వీకెండ్ లో మంచి ఎంటర్టైన్మెంట్ వస్తుందని చెప్పాలి. ఇక ఈ చిత్రానికి వివేక్ సాగర్ సంగీతం అందించగా మైత్రి మూవీ మేకర్స్ నిర్మాణం వహించారు.
