డబుల్ డోస్ తో “అన్ స్టాప్పబుల్ 2” లాంచ్ డేట్ వచ్చేసింది!

నందమూరి నటసింహం నందమూరి బాలకృష్ణ హీరోగా సిల్వర్ స్క్రీన్ పై మాస్ ఎంటర్టైన్మెంట్ ఇస్తూనే మొదటి సారి ఓటిటిలో ఎంట్రీ ఇచ్చి హోస్ట్ గా “అన్ స్టాప్పబుల్” షో తో ఆహా లో బాలయ్య నెవర్ బిఫోర్ ఎంటర్టైన్మెంట్ ని అందించారు. ఇక దీనికి కొనసాగింపుగా బాలయ్య రెండో సీజన్ ని కూడా స్టార్ట్ చెయ్యగా ఇప్పుడు ఈ అవైటెడ్ సీజన్ 5 పై క్రేజీ అప్డేట్ రివీల్ అయ్యింది.

ఒక ఇంట్రెస్టింగ్ ట్రైలర్ లాంటి వీడియోతో ఈ షో స్టార్ట్ డేట్ పై మేకర్స్ అనౌన్స్ చేశారు. మరి ఈ వీడియో అయితే దర్శకుడు ప్రశాంత్ వర్మ మార్క్ లో మంచి ఆసక్తిగా సాలిడ్ ప్రొడక్షన్ వాల్యూస్ తో కనిపించగా బాలయ్య కొత్త లుక్ సహా తన యాక్షన్ లు అదిరిపోయాయి.

ఇక ఈ అడ్వెంచరస్ రైడ్ లో నెక్స్ట్ సీజన్లో “ప్రశ్నల్లో మరింత ఫైర్! ఆటల్లో మరింత డేర్!! సరదాల్లో మరింత సెటైర్!!! మీకోసం… మరింత రంజుగా…” అంటూ బాలయ్య పలికించిన డైలాగ్స్ తోనే ఈ సారి ఎంటర్టైన్మెంట్ ఎలా ఉంటుందో అర్ధం చేసుకోవచ్చు. మరి ఈసారి సీజన్ అయితే ఈ అక్టోబర్ 14 నుంచి ప్రతి శుక్రవారం కొత్త కొత్త ఎపిసోడ్స్ తో ఆరంభం కానున్నట్టు ఆహా వారు అనౌన్స్ చేసారు.