‘టూ లెజెండ్స్, వ‌న్ సెన్సేష‌నల్ ఎపిసోడ్’ !

బాలయ్య ‘అన్‌ స్టాపబుల్ 2’ షో షూట్ ఇప్పటికే మొదలైన సంగతి తెలిసిందే. మొదటి ఎపిసోడ్ గెస్ట్ గా చంద్రబాబు వచ్చాడు. ఐతే, అన్‌స్టాప‌బుల్ సీజ‌న్‌2 అక్టోబ‌ర్ 14 నుంచి స్టార్ట్ కాబోతుంది. ‘ఆహా’ ఓటీటీలో స్ట్రీమింగ్ కానున్న ఈ షో సెకండ్ సీజ‌న్‌ను చాలా గ్రాండ్ గా ప్లాన్ చేశారు. ఇందులో భాగంగానే, మొద‌టి ఎపిసోడ్‌ కు గెస్టు మాజీ ముఖ్యమంత్రి చంద్ర‌బాబు నాయుడు అంటూ ‘ఆహా’ టీమ్ తాజాగా అఫీషియ‌ల్‌ గా అనౌన్స్ చేసింది.

ఈ క్రమంలోనే ‘టూ లెజెండ్స్, వ‌న్ సెన్సేష‌నల్ ఎపిసోడ్’ అంటూ పోస్ట‌ర్‌ని కూడా డిజైన్ చేసి రిలీజ్ చేసింది ఆహా టీమ్. మరి బాలయ్య – చంద్రబాబు మధ్య ఎలాంటి ముచ్చట్లు నడిచాయో చూడాలి. ఆహా అభిమానులతో పాటు తెలుగుదేశం పార్టీ మరియు బాలయ్య అభిమానులు కూడా ఈ ఎపిసోడ్ కోసం ఎంతో ఆసక్తిగా ఎదురుచూస్తున్నారు. కాగా ఈ భారీ అంచనాలను దృష్టిలో పెట్టుకునే ఈ ఎపిసోడ్ ను ఆహా టీమ్ ప్లాన్ చేసిందట.