నటసింహం నందమూరి బాలకృష్ణ తొలిసారిగా హోస్ట్ గా వ్యవహరించిన అన్ స్టాపబుల్ సీజన్ 1 ఇటీవల మంచి క్రేజ్ తో భారీ వ్యూస్ తో కొనసాగిన విషయం తెలిసిందే. ఆహా ఓటిటి మాధ్యమంలో ఎంతో ఎంటర్టైనింగ్ గా ప్రసారమైన సీజన్ 1 తరువాత ఆడియన్స్ అందరిలో సీజన్ 2 పై మరింతగా అంచనాలు ఏర్పడ్డాయి. అయితే అందరి అంచనాలు అందుకునేలా ఇటీవల సీజన్ 2 ట్రైలర్ రిలీజ్ అయి ఎంతో ఆకట్టుకుంది.
ఇక ఈ సీజన్ ఫస్ట్ ఎపిసోడ్ లో ఆంధ్రప్రదేశ్ మాజీ ముఖ్యమంత్రి చంద్రబాబు నాయుడుతో పాటు ఆయన కుమారుడు లోకేష్ గెస్టులుగా రానున్నారు. ఇక వీరిద్దరి ఎంట్రీతో బాలకృష్ణ తన మార్క్ ఎంటర్టైన్మెంట్ తో పంచెస్ అదరగొట్టిన ఫస్ట్ ఎపిసోడ్ ప్రోమోని రేపు ఉదయం 11 గం. లకు విడుదల చేయనుంది ఆహా టీమ్. దెబ్బకు థింకింగ్ మారిపోవాల అనే కాన్సెప్ట్ తో ఫస్ట్ సీజన్ మించేలా మరింత అద్భుతంగా ఎంటర్టైనింగ్ స్టైల్ లో దీనిని రూపొందించారు నిర్వాహకులు. మరి ఈ క్రేజీ ఎపిసోడ్ యొక్క ప్రోమో చూడాలి అంటే ఉదయం 11 గం. వరకు ఆగాల్సిందే. కాగా ఫస్ట్ ఎపిసోడ్ అక్టోబర్ 14 న ప్రసారం కానుంది.
