మన తెలుగు సినిమా నుంచి ఏ ఇద్దరి హీరోలని ఒకే ఫ్రెమ్ లో చూడాలని ఎవరు మాత్రం అనుకోరు? మరి అలాంటి కొన్ని అరుదైన క్రేజీ కాంబినేషన్స్ లో పవర్ స్టార్ పవన్ కళ్యాణ్ మరియు నందమూరి నటసింహం బాలకృష్ణ ల కాంబో కూడా ఒకటి. అయితే ఇపుడు ఈ ఇద్దరు స్టార్స్ కూడా సినిమా సహా పాలిటిక్స్ లో బిజీగా ఉండగా బాలయ్య వీటితో పాటుగా ప్రముఖ ఓటిటి యాప్ ఆహా లో అన్ స్టాప్పబుల్ అనే సాలిడ్ ఎంటర్టైనింగ్ టాక్ షో కూడా చేస్తున్నారు.
అయితే ఈ షో కి ఇప్పుడు రెండో సీజన్ స్టార్ట్ కాగా అందులోని రెండో ఎపిసోడ్ ప్రోమో బయటకి వచ్చింది. అయితే ఈ ప్రోమోలో యువ హీరోలు విశ్వక్ సేన్, సిద్ధూ జొన్నలగడ్డ పాల్గొనగా నిర్మాత నాగవంశీ కూడా వచ్చారు. అయితే నాగ వంశీ నుంచి దర్శకుడు త్రివిక్రమ్ తో బాలయ్య మాట్లాడుతూ నడిచిన సంభాషణ ఇప్పుడు సెన్సేషన్ గా మారింది.
నా షో కి ఎప్పుడు వస్తున్నావ్ త్రివిక్రమ్ అంటూ బాలయ్య అడగ్గా మీరు రమ్మంటే ఇప్పుడే వస్తాను అని త్రివిక్రమ్ బదులిచ్చారు. మరి బాలయ్య అందుకు గాను వస్తే ఎవరితో రావాలో తెలుసుగా అంటూ చెప్పడంతో అది పవనే అని అందరికీ కన్ఫర్మ్ అయ్యిపోయింది. దీనితో ఈ ప్రోమో లో ఈ చిన్న కట్ ఓ రేంజ్ లో హై ఇవ్వగా ఇప్పుడు క్లిప్ వైరల్ గా మారింది.
