మాస్ కాదాస్ విశ్వక్ సేన్ ఓరి దేవుడా చిత్రం ఈరోజు ప్రపంచ వ్యాప్తంగా ప్రేక్షకుల ముందుకు వచ్చింది. బాలీవుడ్ నటి మిథిలా పాల్కర్ ఈ చిత్రం లో విశ్వక్ సేన్ సరసన హీరోయిన్ గా నటిస్తుంది. అశ్వత్ మారిముత్తు దర్శకత్వంలో తెరకెక్కిన ఈ రొమాంటిక్ కామెడీ డ్రామా డిజిటల్ స్ట్రీమింగ్ హక్కులను ఆహా వీడియో సొంతం చేసుకున్నట్లు తెలుస్తోంది.
ఈ న్యూస్ పై అధికారిక ప్రకటన వెలువడాల్సి ఉంది. ఓరి దేవుడా చిత్రంలో విక్టరీ వెంకటేష్ కీలక పాత్ర పోషించారు. ఆశాభట్, రాహుల్ రామకృష్ణ తదితరులు కూడా ఈ సినిమాలో భాగమయ్యారు. పివిపి సినిమా, శ్రీ వెంకటేశ్వర క్రియేషన్స్ సంయుక్తంగా నిర్మిస్తున్న ఈ చిత్రానికి లియోన్ జేమ్స్ సంగీతం అందించారు.
