మెగాస్టార్ చిరంజీవి ప్రధాన పాత్రలో డైరెక్టర్ బాబీ దర్శకత్వంలో తెరకెక్కిన ఔట్ అండ్ ఔట్ మాస్ యాక్షన్ ఎంటర్టైనర్ వాల్తేరు వీరయ్య. మాస్ మహారాజా రవితేజ కీలక పాత్రలో నటించిన ఈ చిత్రానికి రాక్ స్టార్ దేవి శ్రీ ప్రసాద్ సంగీతం అందించారు. ఈ చిత్రం సంక్రాంతి పండుగ సందర్భంగా థియేటర్ల లో గ్రాండ్ గా రిలీజ్ అయ్యి ప్రేక్షకులను, అభిమానులను విశేషంగా ఆకట్టుకుంటుంది. ఈ చిత్రం యూఎస్ లో తన సత్తా చాటుతోంది. మెగాస్టార్ సిసలైన మాస్ ర్యాంపేజ్ ను చూపిస్తున్నారు.
ఈ చిత్రం ఇప్పటి వరకూ అక్కడ 1.9 మిలియన్స్ డాలర్ల కి పైగా వసూళ్లను రాబట్టింది. ఈ చిత్రం బ్రేక్ ఈవెన్ మాత్రమే కాకుండా, భారీ వసూళ్లు దిశగా దూసుకు పోతుంది. శృతి హాసన్ హీరోయిన్ గా నటించిన ఈ చిత్రాన్ని మైత్రి మూవీ మేకర్స్ వారు భారీ స్థాయిలో నిర్మించారు. కేథరిన్ థెరిస్సా, సత్యరాజ్, నాజర్, రాజేంద్ర ప్రసాద్ లు కీలక పాత్రల్లో నటించగా, బాలీవుడ్ బ్యూటీ ఊర్వశీ రౌతేల బాస్ పార్టీ సాంగ్ లో కనిపించారు. ఈ చిత్రం లాంగ్ రన్ లో భారీ వసూళ్లను రాబట్టే అవకాశం ఉంది.
