మాస్ మహారాజా రవితేజ ఇటీవల హీరోగా తెరకెక్కిన మూవీ ధమాకా. శ్రీలీల హీరోయిన్ గా నటించిన ఈ మూవీని పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంస్థలు కలిసి సంయుక్తంగా భారీ వ్యయంతో నిర్మించాయి. ఈ మూవీలో రవితేజ సూపర్ ఎంటర్టైనింగ్ యాక్టింగ్ కి ఆయన ఫ్యాన్స్ తో పాటు ఆడియన్స్ నుండి కూడా సూపర్ గా రెస్సాన్స్ లభించింది. త్రినాధరావు నక్కిన మంచి మాస్ యాక్షన్ పవర్ఫుల్ కమర్షియల్ ఎంటర్టైనర్ గా తెరకెక్కించిన ధమాకా మూవీకి భీమ్స్ సిసిరోలియో సంగీతం అందించారు.
కొన్నాళ్ల క్రితం మంచి అంచనాలతో థియేటర్స్ లో రిలీజ్ అయి బాక్సాఫీస్ దగ్గర అద్భుతమైన విజయాన్ని సొంతం చేసుకుని రవితేజ కెరీర్ లో బిగ్గెస్ట్ సక్సెస్ గా నిలిచింది ఈ మూవీ. ఇక ఇటీవల ధమాకా మూవీ ప్రముఖ ఓటిటి మాధ్యమం నెట్ ఫ్లిక్స్ ద్వారా బుల్లితెర ప్రేక్షకులకి కూడా అందుబాటులోకి వచ్చింది. అయితే విషయం ఏంటంటే, ప్రస్తుతం ఈ మూవీ భారీ స్థాయి ఆడియన్స్ యొక్క ఆదరణతో ఈ వారం తమ ఓటిటి లో టాప్ 10 సినిమాల్లో రెండవ స్థానంలో దూసుకెళుతోందని కొద్దిసేపటి క్రితం నెట్ ఫ్లిక్స్ వారు అఫీషియల్ గా అనౌన్స్ చేసారు.
