పవర్ స్టార్ పవన్ కళ్యాణ్ హీరోగా ఇప్పుడు పలు చిత్రాలకి కమిట్ అయ్యి ఉన్న సంగతి తెలిసిందే. వీటిలో పాన్ ఇండియా సినిమా “హరిహర వీరమల్లు” సినిమా షూటింగ్ దగ్గర దగ్గర కంప్లీట్ చేయగా దీనితో పాటుగా పవన్ టాక్ షో లో మొదటి సారిగా పాల్గొనడం ఆసక్తిగా మారింది. నందమూరి నటసింహం నందమూరి బాలకృష్ణ హోస్ట్ గా చేస్తున్న సెన్సేషనల్ హిట్ షో “అన్ స్టాప్పబుల్” చేస్తున్నారు.
మరి ఇందులో పవన్ హాజరైన ఎపిసోడ్ కూడా రెండు భాగాలుగా స్ట్రీమింగ్ కి తీసుకొస్తుండగా ఆల్రెడీ వచ్చిన మొదటి ఎపిసోడ్ ఆల్ టైం రికార్డ్స్ సెట్ చేసింది. ఇక నెక్స్ట్ రెండో ఎపిసోడ్ పై మరింత ఆసక్తి నెలకొంది. పైగా ఇందులో పొలిటికల్ టచ్ ఎక్కువ ఉండడమే కాకుండా పవన్ పర్శనల్ లైఫ్ కి సంబంధించి కూడా కొన్ని కీలక అంశాలు చర్చకి రావడంతో మొదటి ఎపిసోడ్ కన్నా రెండో ఎపిసోడ్ కి మరింత ఆసక్తి నెలకొంది. ఇక ఓ రోజు ముందే ఈ ఎపిసోడ్ స్ట్రీమింగ్ కి తీసుకు వస్తుండడంతో మరింత హైప్ దీనిపై నెలకొంది. ఇక అవైటెడ్ ఎపిసోడ్ ఎలాంటి రెస్పాన్స్ అందుకుంటుందో చూడాలి.
