విడుదల తేదీ : ఫిబ్రవరి 10, 2023
123తెలుగు.కామ్ రేటింగ్ : 2.5/5
నటీనటులు: బాబీ సింహా, ఆర్య, కాశ్మీరా పరదేశి
దర్శకుడు : రమణన్ పురుషోత్తమ
నిర్మాతలు: రజనీ తాళ్లూరి, రేష్మి సింహా
సంగీత దర్శకులు: రాజేష్ మురుగేషన్
సినిమాటోగ్రఫీ: గోపీ అమర్‌నాథ్
ఎడిటర్: వివేక్ హర్షన్
సంబంధిత లింక్స్: ట్రైలర్
బాబీ సింహా మరియు కాశ్మీరా పరదేశి నటించిన కోలీవుడ్ థ్రిల్లర్ వసంత ముల్లై తెలుగులో వసంత కోకిలగా విడుదలైంది. రమణన్ పురుషోత్తమ దర్శకత్వం వహించిన ఈ సినిమా ఈరోజు ప్రేక్షకుల ముందుకు వచ్చింది. మరి ఈ సినిమా ఎలా ఉందో సమీక్ష లోకి వెళ్లి చూద్దాం.
కథ:
రుద్ర (బాబీ సింహా) ఒక ఐటి ఉద్యోగి, అతను ఒక ప్రాజెక్ట్ పూర్తి చేయడానికి చాలా ఒత్తిడిని ఎదుర్కొంటాడు. ఒకరోజు, అతను స్పృహతప్పి పడిపోతాడు. అతను బ్లాక్అవుట్ రుగ్మతతో బాధపడుతున్నాడని, విశ్రాంతి తీసుకోమని డాక్టర్ చెబుతాడు. కాబట్టి, రుద్ర మరియు అతని స్నేహితురాలు నిషా (కాశ్మీర పరదేశి) ఒక హిల్ స్టేషన్‌కి వెళ్లి వసంత కోకిల అనే హోటల్‌లో బస చేస్తారు. అక్కడ కొన్ని వింతలు జరుగుతాయి. అవి రుద్రను షాక్ కి గురి చేస్తాయి. అవి ఏమిటి? ఆ తరువాత ఏమి జరిగింది? అనే ప్రశ్నలకు సమాధానాలు తెలియాలంటే సినిమా చూడాల్సిందే.
ప్లస్ పాయింట్స్:
బాబీ సింహా చాలా వరకు నెగెటివ్ రోల్స్ చేసినా, వసంత కోకిల లో మాత్రం పాజిటివ్ రోల్ లో ఆకట్టుకున్నాడు. అతని నటన సినిమాలో చాలా బాగుంది. తన అద్భుతమైన నటనతో ప్రేక్షకులకు థ్రిల్ మరియు చిల్‌లను కలిగించడంలో విజయం సాధించాడు. అతను పాత్రకు సరిగ్గా సరిపోయాడు.
కాశ్మీరా పరదేశి సినిమాలో చాలా అందంగా కనిపించింది. ఆమె, తనకి ఇచ్చిన పాత్రలో బాగానే చేసింది. నటుడు ఆర్య ఇందులో ఒక అతిధి పాత్రను పోషించాడు. అతని పాత్ర సినిమాలో ఆకట్టుకుంది. మిగిలిన నటీనటులు తమ పాత్రల పరిధి మేరకు బాగానే నటించారు.
మైనస్ పాయింట్స్:
థ్రిల్లర్ సినిమాలు ఎంగేజింగ్‌గా ఉండాలి. నటుడి ఆరోగ్య పరిస్థితి సినిమాకు కీలకం అని దర్శకుడు పరోక్షంగా వెల్లడించాడు. అయితే, ఇక్కడే సినిమాలో ఇంట్రెస్ట్ పార్ట్ మిస్ అయ్యింది. ఈ జంట తర్వాత ఒక పాత్రను పరిచయం చేస్తూ దర్శకుడు సస్పెన్స్‌ను మెయింటైన్ చేస్తున్నాడు. సెకండాఫ్‌లో ఆడియన్స్‌ని ఎంగేజ్ చేసేలా క్యారెక్టర్ మెయింటైన్ చేస్తుంది.
కొన్ని సన్నివేశాలు ప్రేక్షకులను గందరగోళానికి గురిచేస్తాయి. కొన్ని అంశాలను అర్దం చేసుకోవడానికి సినిమాపై మరింత దృష్టి పెట్టాలి. ఇంటర్వెల్ ట్విస్ట్ ఉండటం తో సినిమా ఫస్ట్ హాఫ్, సెకండ్ హాఫ్ కంటే మెరుగ్గా ఉంది. సెకండాఫ్ రన్ టైమ్ తక్కువగా ఉండడంతో, డైరెక్టర్ సినిమాను త్వరగా ముగించేశాడనే ఫీలింగ్ కలుగుతుంది.
ఈ సినిమాని మంచి థ్రిల్లర్‌గా మార్చడానికి నిషా (కాశ్మీర) పాత్రను డైరెక్టర్ బాగా రాసుకుని ఉండవచ్చు. ఆమె పాత్ర ప్రేక్షకుడిని తికమక పెట్టడానికి చాలా స్కోప్ ఉంది. కానీ, దర్శకుడు రుద్ర (బాబీ సింహ) పాత్రపై మాత్రమే దృష్టి పెట్టాడు.
సాంకేతిక విభాగం:
వసంత కోకిల చిత్రం తో ప్రేక్షకులకు థ్రిల్లింగ్ ఎక్స్‌పీరియన్స్‌ని అందించడానికి దర్శకుడు ప్రయత్నించాడు. సినిమాను లో ప్రతిదానికీ ప్రాధాన్యత ఉంటుంది అని ఎవరైనా సులభంగా అంచనా వేయవచ్చు. చివర్లో ప్రధాన పాత్ర యొక్క ఆరోగ్య పరిస్థితిని దర్శకుడు వెల్లడిస్తే సినిమా ఇంకాస్త బాగుండేది. ఈ చిత్రం రన్‌టైమ్‌ను పెర్ఫెక్ట్ గా ఉన్నప్పటికీ, మొదటి గంటలో కొన్ని మినహా అనవసరమైన సన్నివేశాలకు స్కోప్ లేదు. స్క్రీన్‌ప్లే ఆకట్టుకునేలా ఉంది. దర్శకుడు ప్రతిదీ బాగా కనెక్ట్ చేశాడు.
సినిమాటోగ్రఫీ బాగుంది. తక్కువ లైటింగ్ వాడటం వలన టెన్షన్ వాతావరణం నెలకొంది. మ్యూజిక్ పర్వాలేదు. ఎడిటింగ్ చాలా బాగుంది, ప్రొడక్షన్ వాల్యూస్ బాగున్నాయి.
తీర్పు:
మొత్తం మీద, వసంత కోకిల అంటూ ప్రేక్షకుల ముందుకు వచ్చిన ఈ థ్రిల్లర్ అక్కడక్కడ ఆకట్టుకుంటుంది. ఈ సినిమాలో బాబీ సింహా నటన ప్రధాన బలం. ఒక మామూలు కథతో, థ్రిల్లర్ చిత్రాలను ఇష్టపడే వారు ఈ వీకెండ్ లో ఈ చిత్రాన్ని ఒకసారి చూడవచ్చు.
123telugu.com Rating: 2.5/5
Reviewed by 123telugu Team
