సంగీత, తిరువీర్, కావ్య కళ్యాణ్ రామ్, శుభలేఖ సుధాకర్ ప్రధాన పాత్రల్లో డైరెక్టర్ సాయి కిరణ్ దర్శకత్వంలో తెరకెక్కిన హారర్ థ్రిల్లర్ మసూద. ఈ చిత్రం థియేటర్ల లో విడుదల అయ్యి ప్రేక్షకులను విశేషం గా ఆకట్టుకుంది. డిజిటల్ ప్రీమియర్ గా ప్రేక్షకుల మనసును దోచుకుంది. ఈ చిత్రం ఇప్పుడు వరల్డ్ టెలివిజన్ ప్రీమియర్ గా ప్రేక్షకులను అలరించడానికి సిద్దం అవుతోంది.
ఈ చిత్రం వచ్చే ఆదివారం సాయంత్రం 6 గంటలకు జెమిని టీవీ లో ప్రసారం కానుంది. స్వధర్మ్ ఎంటర్ టైన్మెంట్స్ బ్యానర్ పై రాహుల్ యాదవ్ నక్కా నిర్మించిన ఈ చిత్రానికి ప్రశాంత్ ఆర్. విహారి సంగీతం అందించారు. సరికొత్త థ్రిల్లర్ గా ఆకట్టుకున్న ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.
