ప్రముఖ ఓటిటి మాధ్యమం ఆహాలో తాజాగా న్యూసెన్స్ అనే కొత్త వెబ్ సిరీస్ కొద్దిరోజులుగా ప్రసారం అవుతోంది. నవదీప్, బిందుమాధవి ప్రధాన పాత్రలు పోషించిన ఈ సిరీస్ ని శ్రీ ప్రవీణ్ కుమార్ దర్శకత్వం వహించారు. ప్రముఖ జర్నలిస్ట్ ప్రియదర్శిని రామ్ ఈ సిరీస్ కి కథను అందించారు. అయితే విషయం ఏమిటంటే, తాజగా న్యూసెన్స్ వెబ్ సిరీస్ 200 మిలియన్ స్ట్రీమింగ్ నిమిషాలను పొందింది. కాగా ఈ విషయాన్ని నేడు ఆహా టీమ్ అధికారికంగా ప్రకటించింది.
కాగా ఈ సిరీస్ యొక్క సీజన్ 2 త్వరలోనే వస్తుందని మేకర్స్ ఇప్పటికే వెల్లడించారు. మీడియా పరిశ్రమలోని చీకటి కోణాలను ఆవిష్కరిస్తూ ఈ సిరీస్ చిత్రీకరించబడింది. నంద గోపాల్, రమేష్ కోనంభొట్ల, పూర్ణ చంద్ర, కట్టా ఆంటోని, నల్ల శ్రీధర్ రెడ్డి, గణేష్ తిప్పరాజు, వెంకట రమణ అయ్యగారి తదితరులు ఇందులో కీలక పాత్రలు పోషించారు. పీపుల్ మీడియా ఫ్యాక్టరీ ఆధ్వర్యంలో టీజీ విశ్వ ప్రసాద్, వివేక్ కూచిబొట్ల న్యూసెన్స్‌ని నిర్మించారు. సురేష్ బొబ్బిలి దీనికి సంగీత దర్శకుడు. మొత్తంగా తమ సిరీస్ ఈ విధంగా ఆడియన్స్ యొక్క మెప్పుతో దూసుకెళ్తుండడంతో మేకర్స్ ఆనందం వ్యక్తం చేస్తున్నారు.
Sanchalanalu srushtisthu, andarini meppinchina #NewsenseOnAHA First Episode, is now available for free. Start Binging ???? @pnavdeep26 @thebindumadhavi @vishwaprasadtg @vivekkuchibotla @peoplemediafcy @SasikiranNaray1 @sureshbobbili9 @sriprawin @APEnt_ pic.twitter.com/vBnKeq6rar
— ahavideoin (@ahavideoIN) June 10, 2023
