ప్రకాష్ రాజ్, రమ్య కృష్ణ, బ్రహ్మానందం ప్రధాన పాత్రల్లో, డైరెక్టర్ కృష్ణ వంశీ దర్శకత్వంలో తెరకెక్కిన చిత్రం రంగమార్తాండ. ఈ చిత్రం థియేటర్ల లో విడుదల అయ్యి ప్రేక్షకులను విశేషం గా ఆకట్టుకుంది. విమర్శకుల ప్రశంసలు సైతం పొందిన ఈ చిత్రం, అనుకున్నంత రీతిలో వసూళ్లను రాబట్టలేదు. ఇప్పుడు ఈ చిత్రం వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి సిద్ధం అవుతోంది.
వచ్చే ఆదివారం సాయంత్రం 6 గంటలకు రంగమార్తాండ చిత్రం స్టార్ మా లో ప్రసారం కానుంది. రాజా శ్యామల ఎంటర్టైన్మెంట్స్ మరియు హౌజ్ ఫుల్ మూవీస్ పతాకాల పై నిర్మించిన ఈ చిత్రం లో రాహుల్ సిప్లిగంజ్, అలీ రెజా, అనసూయ భరద్వాజ్, ఆదర్శ్ బాలకృష్ణ లు కీలక పాత్రల్లో నటించారు. ఇళయరాజా సంగీతం అందించిన ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.
