టాలీవుడ్ యంగ్ నటుడు సుధీర్ బాబు హీరోగా, డైరెక్టర్ మహేష్ సూరపనేని దర్శకత్వం లో తెరకెక్కిన యాక్షన్ థ్రిల్లర్ హంట్. ఈ చిత్రం థియేటర్ల లో విడుదల అయ్యి ప్రేక్షకులను ఆకట్టుకోవడం లో విఫలం అయ్యింది. బాక్సాఫీస్ వద్ద కూడా మంచి వసూళ్లను రాబట్టలేదు. అయితే ఈ సినిమా ఇప్పుడు బుల్లితెర పై ప్రేక్షకులని అలరించడానికి సిద్ధం అవుతోంది.
ఈ ఆదివారం జెమిని టీవీ లో ఉదయం 8:30 గంటలకు ప్రసారం కానుంది. భవ్య క్రియేషన్స్ పై వి. ఆనంద్ ప్రసాద్ నిర్మించిన ఈ చిత్రం లో శ్రీకాంత్, భరత్ లు కీలక పాత్రల్లో నటించారు. జిబ్రాన్ సంగీతం అందించిన ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.
