ప్రస్తుతం మంచి కంటెంట్ తో ఆడియన్స్ ని ఆకట్టుకుంటూ దూసుకెళ్తున్న ఆహా వారు తాజాగా అర్థమైందా అరుణ్ కుమార్ అనే కొత్త వెబ్ సిరీస్ ద్వారా తమ ఆడియన్స్ ముందుకి రానున్నారు. ఈ సిరీస్ ఆహా లో జూన్ 30న విడుదలకు సిద్ధంగా ఉంది. అరే స్టూడియో మరియు లాఫింగ్ కౌ ప్రొడక్షన్స్ నిర్మించిన ఈ సిరీస్, అరే స్టూడియో వారి పాపులర్ షో అఫీషియల్ చుక్యగిరి కి అధికారిక రీమేక్. ఇందులో హర్షిత్ రెడ్డి, అనన్య శర్మ మరియు తేజస్వి మదివాడ ప్రధాన పాత్రల్లో నటించారు. కార్పోరేట్ నిచ్చెనల సవాళ్ల మధ్య అరుణ్ కుమార్ పరివర్తనాత్మక ప్రయాణాన్ని ఈ సిరీస్ లో చూపించడం జరిగిందని మేకర్స్ అంటున్నారు. ఇక నేడు జరిగిన ఓ ఈవెంట్‌లో ఈ సిరీస్ యొక్క ట్రైలర్‌ని లాంచ్ చేశారు. ప్రియదర్శి ప్రత్యేక అతిథిగా హాజరై ట్రైలర్ లాంచ్‌లో భాగమైనందుకు చాలా ఆనందంగా ఉందని అన్నారు.
అర్థమైందా అరుణ్ కుమార్ కార్పొరేట్ ప్రపంచంలోని ఒడిదుకులని చూపించే ఒక ఉత్తేజకరమైన ప్రాజెక్ట్ అని ప్రియదర్శి పేర్కొన్నారు. ఆహాలో కంటెంట్ మరియు నాన్ సబ్స్ రెవెన్యూ హెడ్ వాసుదేవ్ కొప్పినేని మాట్లాడుతూ, కార్పొరేట్ వాతావరణంలో అనుభవాల స్వభావాన్ని తాము ఇందులో చూపించామని చెప్పారు. కూ అరె స్టూడియో సహ వ్యవస్థాపకుడు నియాతి మర్చంట్ మాట్లాడుతూ అర్థమైందా అరుణ్ కుమార్ తమ అభిమాన సిరీస్ లలో ఒకటిగా తెలుగు వీక్షకుల నుండి అపారమైన ప్రేమను అందుకుంటుందని ఆశాభావాన్ని వ్యక్తం చేసారు. కార్పోరేట్ సంస్థల యొక్క సంక్లిష్టతలను నావిగేట్ చేస్తున్నప్పుడు ఆశయంతో నడిచే మరియు వ్యక్తిగత సవాళ్లను ఎదుర్కొన్న అరుణ్ కుమార్ పరివర్తన పై ట్రైలర్ లో చూపించిన పలు అంశాలు సిరీస్ ని చూడాలనే ఆసక్తిని మనకు కలిగిస్తాయి.
