మన ఇండియన్ సినిమా దగ్గర అయితే సూపర్ హీరో బ్యాక్ డ్రాప్ లో వచ్చిన సినిమా చాలా తక్కువే ఉంటాయని చెప్పాలి. మరి అలా ఈ కొన్నేళ్లలో మళయాళ సినిమా నుంచి వచ్చిన “మిన్నల్ మురళీ” చిత్రం ఓటిటి లో రిలీజ్ అయ్యి ఇండియన్ సినిమా దగ్గర ఓ బెస్ట్ సూపర్ హీరో సినిమాగా నిలవగా దీని తర్వాత కోలీవుడ్ సినిమా నుంచి లేటెస్ట్ గా ప్రముఖ సంగీత దర్శకుడు హిప్ హాప్ తమీజా హీరోగా నటించిన సూపర్ హీరో చిత్రమే “వీరన్”.
దాదాపు మిన్నల్ మురళీ షేడ్స్ లోనే వచ్చిన ఈ చిత్రం అయితే తమిళ్ లో థియేట్రికల్ గా రిలీజ్ అయ్యింది. ఇక ఈ చిత్రం ఇపుడు ఓటిటి లో స్ట్రీమింగ్ కి రెడీ అయ్యింది.. ఈ సినిమా స్ట్రీమింగ్ హక్కులు ప్రైమ్ వీడియో వారు సొంతం చేసుకోగా ఇప్పుడు ఈ చిత్రం తమిళ్ సహా తెలుగులో కూడా ఈ జూన్ 30 నుంచి అయితే రానుంది. మరి తెలుగు ఆడియెన్స్ ఈ సినిమా చూడాలి అనుకుంటే ప్రైమ్ వీడియోలో చూడవచ్చు. అలాగే ఈ చిత్రం తమిళ్ సహా తెలుగు మరియు మళయాళ కన్నడ భాషల్లో ప్రైమ్ వీడియోలో అందుబాటులో ఉండనుంది.
