టాలీవుడ్ యువ నటుడు విశ్వక్ సేన్ ప్రస్తుతం కెరీర్ పరంగా వరుసగా సినిమాలతో కొనసాగుతున్నారు. అయితే తాజా అప్ డే ప్రకారం ప్రముఖ తెలుగు ఓటిటి ప్లాట్‌ఫారమ్ ఆహా వారి రాబోయే ఒక క్రేజీ షో ద్వారా ఆయన తన ఓటిటి అరంగేట్రం చేయనున్నట్లు తెలుస్తోంది. అలానే వారి సమాచారం ప్రకారం మునుపెన్నడూ కనపడని ఒక డిఫరెంట్ అవతార్‌లో ఈ షో ద్వారా ప్రేక్షకులను ఆకట్టుకోనున్నారట విశ్వక్.
అలానే ఈ షో 15 ఎపిసోడ్‌లను కలిగి ఉండడంతో పాటు ఆహా తెలుగు ఓటిటి స్పేస్‌లో ఇది గేమ్‌చేంజర్‌గా ఉంటుందని అంటున్నారు. త్వరలో ఈ కార్యక్రమం డిజిటల్ ప్లాట్‌ఫామ్‌లో ప్రసారం కానుంది. కాగా ఇది విశ్వక్ సేన్ ఫ్యాన్స్ కి గుడ్ న్యూస్ అని, అలానే తొలిసారిగా ఈ షో ద్వారా ఆయన ఎంతమేర బుల్లితెర ఆడియన్స్ ని ఆకట్టుకుంటారో చూడాలని పలువురు ప్రేక్షకులు, విశ్లేషకులు ఆసక్తి కనబరుస్తున్నారు.
