రీసెంట్ గా కోలీవుడ్ సినిమా దగ్గర వచ్చి మంచి హిట్ అయ్యిన చిత్రాల్లో వెర్సటైల్ నటుడు వడివేలు అలాగే యంగ్ హీరో ఉదయనిధి స్టాలిన్ నటించిన చిత్రం “మామన్నన్”. దర్శకుడు మారి సెల్వరాజ్ తెరకెక్కించిన ఈ చిత్రం తెలుగులో గత వారం “నాయకుడు” పేరిట అయితే రిలీజ్ అయ్యింది.
ఇక ఈ చిత్రం తెలుగులో కూడా డీసెంట్ టాక్ తెచ్చుకుంది. మరి ఈ చిత్రం అయితే ఇపుడు ఓటిటి డేట్ ని లాక్ చేసుకున్నట్టుగా ఈ సినిమా స్ట్రీమింగ్ హక్కులు సొంతం చేసుకున్న నెట్ ఫ్లిక్స్ వారు అనౌన్స్ చేసేసారు. మరి ఈ సినిమా అయితే ఈ జూలై 27 నుంచి అందుబాటులో ఉండనున్నట్టుగా కన్ఫర్మ్ చేశారు.
మరి ఒరిజినల్ తమిళ్ సహా తెలుగు అలాగే మళయాళ కన్నడ భాషల్లో కూడా ఈ చిత్రం స్ట్రీమింగ్ కి వస్తున్నట్టుగా కన్ఫర్మ్ చేశారు. ఇక ఈ చిత్రానికి అయితే లెజెండరీ సంగీత దర్శకుడు ఏ ఆర్ రెహమాన్ సంగీతం అందించగా ఫహద్ ఫాజిల్, కీర్తి సురేష్ లు కీలక పాత్రల్లో నటించారు.
