మన టాలీవుడ్ యంగ్ అండ్ ప్రామిసింగ్ హీరో నిఖిల్ సిద్ధార్థ హీరోగా ఐశ్వర్య మీనన్ హీరోయిన్ గా దర్శకుడు గ్యారీ బి హెచ్ తెరకెక్కించిన ఇంట్రెస్టింగ్ సస్పెన్స్ థ్రిల్లర్ చిత్రమే “స్పై”. మరి గత నెల రిలీజ్ అయ్యిన ఈ చిత్రం నిఖిల్ కెరీర్ లో భారీ ఓపెనింగ్స్ ని అందుకుంది కానీ సరైన హోల్డ్ ని అయితే కొనసాగించ లేకపోయింది. ఇక దీనితో నెమ్మదిగా సినిమా వసూళ్లు తగ్గిపోయాయి.
అయితే ఇప్పుడు ఈ చిత్రం పాన్ ఇండియా భాషల్లో ఓటీటీ లోకి వచ్చేసింది. ఈ సినిమా స్ట్రీమింగ్ హక్కులు సొంతం చేసుకున్న ప్రైమ్ వీడియోలో తెనుగు సహా అన్ని పాన్ ఇండియా భాషల్లో ఇప్పుడు అందుబాటులో ఉంది. మరి అప్పుడు మిస్ అయ్యి చూడాలి అనుకునే వారు ఇప్పుడు చూడవచ్చు. ఇక ఈ చిత్రానికి శ్రీచరణ్ పాకాల సంగీతం అందించగా ఈడీ ఎంటర్టైన్మెంట్స్ వారు నిర్మాణం వహించారు.
