టాలీవుడ్ యంగ్ హీరో శ్రీవిష్ణు తన కెరీర్‌లో సామజవరగమనతో బిగ్గెస్ట్ హిట్‌ని అందుకున్నాడు. ఫ్యామిలీ ఎంటర్టైనర్‌గా తెరకెక్కిన ఈ చిత్రంలో రెబా మోనికా జాన్ కథానాయికగా నటించింది. ఈ చిత్రం వరల్డ్ వైడ్ గా బాక్సాఫీస్ వద్ద 50 కోట్ల రూపాయలకి పైగా వసూలు చేసింది. జులై 28 నుంచి ఆహాలో సినిమా విడుదల కానుందని ఇప్పటికే ప్రకటించారు.
ఈ చిత్రం అర్ధరాత్రి (12:00)కి ఓటిటి లోకి రావాల్సి ఉంది. అయితే తెలుగు డిజిటల్ ప్లాట్‌ఫారమ్ ప్రజల డిమాండ్‌పై విడుదలను ముందస్తుగా చేసింది. ఈరోజు రాత్రి 7 గంటల నుండి సామజవరగమన స్ట్రీమింగ్ కోసం అందుబాటులో ఉంటుంది. థియేటర్లలో ఈ నవ్వుల హంగామా చూసి మిస్ అయిన వారందరికీ ఇదో గొప్ప అవకాశం. రామ్ అబ్బరాజు ఈ చిత్రానికి దర్శకత్వం వహించారు. ఎకె ఎంటర్టైన్మెంట్స్ సమర్పణలో రాజేష్ దండా ఈ చిత్రాన్ని నిర్మించారు.
