టాలీవుడ్ యంగ్ హీరో శ్రీ విష్ణు ప్రధాన పాత్రలో నటించిన లేటెస్ట్ కామెడీ ఎంటర్టైనర్ సామజవరగమనా. ఈ చిత్రం థియేటర్ల లో రిలీజ్ అయ్యి ప్రేక్షకులను విశేషం గా ఆకట్టుకుంది. ఇప్పుడు డిజిటల్ గా కూడా అదే జోరును కనబరుస్తోంది. ఈ ఫ్యామిలీ ఎంటర్టైనర్ ఆహాలో కేవలం 72 గంటల్లోనే 200 మిలియన్ స్ట్రీమింగ్ నిమిషాలను అధిగమించింది.
తెలుగు డిజిటల్ ప్లాట్‌ఫారమ్ అయిన ఆహా వీడియో ఈ చిత్రం ను ప్రసారం చేసిన సమయం నుండి ఎక్కువ వీక్షకుల సంఖ్యను సాధించింది. మరో అద్భుతమైన నటనను కనబరిచిన లెజెండరీ నరేష్‌తో సహా ప్రతిభావంతులైన నటీనటులు ఉండటం ఈ చిత్రం విజయంకి కారణం. శ్రీవిష్ణు కామెడీ, మరియు రెబా మోనికా జాన్ నటన ఆడియెన్స్ ను విశేషం గా ఆకట్టుకుంటున్నాయి. రామ్ అబ్బరాజు దర్శకత్వం వహించిన ఈ కామెడీ డ్రామాను రాజేష్ దండా నిర్మించారు. గోపీ సుందర్ సంగీతం అందించారు.
