విలక్షణ నటుడు విజయ్ ఆంటోనీ ప్రధాన పాత్రలో నటించి, దర్శకత్వం వహించిన యాక్షన్ థ్రిల్లర్ బిచ్చగాడు2. ఈ చిత్రం థియేటర్ల లో రిలీజ్ అయ్యి ప్రేక్షకులను విశేషం గా ఆకట్టుకుంది. డిజిటల్ ప్రీమియర్ గా కూడా మంచి రెస్పాన్స్ ను సొంతం చేసుకుంది ఈ సినిమా. అయితే ఈ సినిమా ఇప్పుడు వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి రెడీ అయిపోయింది.
త్వరలో ప్రముఖ టీవీ ఛానల్ అయిన స్టార్ మా లో ఈ సినిమా ప్రసారం కానుంది. త్వరలో దీనికి సంబంధించిన డేట్ ఫిక్స్ అయ్యే అవకాశం ఉంది. కావ్య థాపర్ ఫీమేల్ లీడ్ లో నటించిన ఈ చిత్రానికి సంగీతం కూడా విజయ్ ఆంటోనీ అందించారు. ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.
