పవర్ స్టార్ పవన్ కళ్యాణ్, సుప్రీం హీరో సాయి ధరమ్ తేజ్ ప్రధాన పాత్రల్లో నటించిన లేటెస్ట్ ఫ్యామిలీ ఎంటర్టైనర్ బ్రో ది అవతార్. ఈ చిత్రం థియేటర్ల లో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. ఈ చిత్రం డిజిటల్ ప్రీమియర్ గా కూడా సూపర్ రెస్పాన్స్ ను కొల్లగొట్టింది. అయితే ఇప్పుడు వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి రెడీ అయిపోయింది.
త్వరలో ఈ సినిమా జీ తెలుగు లో ప్రసారం కానుంది. అయితే డేట్ అండ్ టైమ్ పై ఇంకా క్లారిటీ రావాల్సి ఉంది. ప్రముఖ నటుడు, దర్శకుడు సముద్ర ఖని దర్శకత్వం లో తెరకెక్కిన ఈ చిత్రం లో కేతిక శర్మ, ప్రియా ప్రకాష్ వారియర్, అలీ రెజా లు కీలక పాత్రల్లో నటించారు. మ్యూజికల్ సెన్సేషన్ థమన్ సంగీతం అందించిన ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.
