మెగాస్టార్ చిరంజీవి ప్రధాన పాత్రలో, డైరెక్టర్ బాబీ దర్శకత్వంలో తెరకెక్కిన మాస్ యాక్షన్ ఎంటర్టైనర్ వాల్తేరు వీరయ్య. ఈ చిత్రం థియేటర్ల లో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. బాక్సాఫీస్ వద్ద భారీ వసూళ్లను రాబట్టడం జరిగింది. అయితే ఈ సినిమా ఇప్పుడు వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి రెడీ అయిపోయింది. ఈ చిత్రం దసరా పండుగ సందర్భంగా బుల్లితెర ప్రేక్షకులను అలరించనుంది.
అక్టోబర్ 24, 2023 న సాయంత్రం 6:00 గంటలకు ప్రముఖ టీవీ ఛానల్ అయిన జెమిని టీవీ లో ప్రసారం కానుంది. శృతి హాసన్ హీరోయిన్ గా నటించిన ఈ చిత్రం లో మాస్ మహారాజ రవితేజ, కేథరిన్ థెరిస్సా, ప్రకాష్ రాజ్, జయ సింహ లు కీలక పాత్రల్లో నటించారు. రాక్ స్టార్ దేవి శ్రీ ప్రసాద్ సంగీతం అందించిన ఈ చిత్రాన్ని ప్రముఖ నిర్మాణ సంస్థ అయిన మైత్రి మూవీ మేకర్స్ నిర్మించడం జరిగింది. ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.
