యువ నటీనటులు విజయ్ దేవరకొండ, సమంత రూత్ ప్రభు ల కలయికలో తెరకెక్కిన లేటెస్ట్ మూవీ ఖుషి. యువ దర్శకుడు శివ నిర్వాణ తెరకెక్కించిన ఈ ఫ్యామిలీ యాక్షన్ లవ్ ఎంటర్టైనర్ కి హేషం అబ్దుల్ వాహబ్ సంగీతం అందించగా మైత్రి మూవీ మేకర్స్ సంస్థ ఈ మూవీని గ్రాండ్ గా నిర్మించింది. ఇటీవల థియేటర్స్ లో విడుదలై మంచి సక్సెస్ సాధించిన ఖుషి కొద్దిరోజుల క్రితం ప్రముఖ ఓటిటి ప్లాట్ ఫామ్ నెట్ ఫ్లిక్స్ ద్వారా ఆడియన్స్ ముందుకి వచ్చింది.
అయితే విషయం ఏమిటంటే, అటు థియేటర్స్ లో ఆకట్టుకున్న ఈ మూవీ ఇటు ఓటిటిలో సైతం మంచి రెస్పాన్స్ తో దూసుకెళుతోంది. అక్టోబర్ మొదటివారంలో నెట్ ఫ్లిక్స్ లో టాప్ 10 స్థానంలో నిలిచిన సినిమాల్లో ఖుషి హిందీ, తెలుగు, తమిళ్ వెర్షన్స్ 4, 5, 10 స్థానాల్లో నిలవడం విశేషం. మొత్తంగా తమ మూవీ ఆడియన్స్ ని అలరిస్తూ ఓటిటి లో దూసుకెళ్తుండడంతో ఖుషి మేకర్స్ ఆనందం వ్యక్తం చేస్తున్నారు.
