మెగాస్టార్ చిరంజీవి హీరోగా బాబీ దర్శకత్వంలో తెరకెక్కిన మాస్ యాక్షన్ ఎంటర్టైనర్ మూవీ వాల్తేరు వీరయ్య. ఈ ఏడాది సంక్రాంతి కానుకగా ఆడియన్స్ ముందుకి వచ్చిన ఈ మూవీ బాక్సాఫీస్ వద్ద బ్లాక్ బస్టర్ సక్సెస్ ని సొంతం చేసుకుంది. చాలా కాలం తరువాత ఈ మూవీ ద్వారా మరొక్కసారి తన స్టైల్ మాస్ యాక్షన్ తో ఆడియన్స్ ని ఫ్యాన్స్ ని ఆకట్టుకున్నారు మెగాస్టార్ చిరంజీవి. శృతి హాసన్ హీరోయిన్ గా నటించిన ఈ మూవీకి రాక్ స్టార్ దేవిశ్రీప్రసాద్ సంగీతం అందించగా మైత్రి మూవీ మేకర్స్ సంస్థ గ్రాండ్ గా దీనిని నిర్మించింది.
ఇక ఈ మూవీలో మెగాస్టార్ కి తమ్ముడిగా మాస్ మహారాజా రవితేజ కీలక పాత్ర పోషించగా విలక్షణ నటుడు ప్రకాష్ రాజ్ విలన్ గా కనిపించారు. కాగా రిలీజ్ అనంతరం ఓటిటి లో కూడా మంచి రెస్పాన్స్ సొంతం చేసుకున్న వాల్తేరు వీరయ్య మూవీ అక్టోబర్ 23న సాయంత్రం 6 గం. లకు జెమినీ టివి లో వరల్డ్ టెలివిజన్ ప్రీమియర్ గా బుల్లితెర ఆడియన్స్ ముందుకి రానుంది. మరి అటు థియేటర్స్ లో ఇటు ఓటిటి లో మంచి రెస్పాన్స్ అందుకున్న వాల్తేరు వీరయ్య టెలివిజన్ ప్రీమియర్ ద్వారా ఏ స్థాయి రెస్పాన్స్ అందుకుంటుందో చూడాలి.
