పాన్ ఇండియన్ స్టార్ ప్రభాస్ హీరోగా ప్రస్తుతం మూడు సినిమాలు తెరకెక్కుతుండగా వాటిలో ప్రశాంత్ నీల్ తెరకెక్కిస్తున్న భారీ మాస్ యాక్షన్ మూవీ సలార్ సీస్ ఫైర్ పార్ట్ 1 డిసెంబర్ 22న గ్రాండ్ గా పలు భాషల్లో రిలీజ్ కానుంది. ఈమూవీని హోంబలె ఫిలిమ్స్ సంస్థ ప్రతిష్టాత్మకంగా నిర్మిస్తుండగా శృతి హాసన్ హీరోయిన్ గా నటిస్తోంది.
ప్రారంభం నాటి నుండి అందరిలో ఆకాశమే హద్దుగా అంచనాలు కలిగిన సలార్ తప్పకుండా రిలీజ్ తరువాత భారీ విజయం అందుకుని పెద్ద సెన్సేషన్ క్రియేట్ చేస్తుందని ప్రభాస్ ఫ్యాన్స్ భావిస్తున్నారు. ఇక రానున్న అక్టోబర్ 23న ప్రభాస్ బర్త్ డే సందర్భంగా హైదరాబాద్ ప్రసాద్ ఐమ్యాక్స్ లో ప్రభాస్ యొక్క 100 అడుగుల భారీ కటౌట్ ని ఏర్పాటు చేయనున్నట్లు తెలుస్తోంది. ఇక సలార్ నుండి ప్రభాస్ బర్త్ డే సందర్భంగా స్పెషల్ పోస్టర్ కూడా రానున్నట్లు టాక్. మొత్తంగా అయితే ప్రభాస్ భారీ కటౌట్ న్యూస్ ప్రస్తుతం క్రేజీగా టాలీవుడ్ వర్గాల్లో ప్రచారం అవుతోంది.
