విజయ్ దేవరకొండ, సమంత కలిసి ఇటీవల నటించిన సూపర్ హిట్ మూవీ ఖుషి. యువ దర్శకుడు శివ నిర్వాణ తెరకెక్కించిన ఈ మూవీకి హేషం అబ్దుల్ వాహబ్ సంగీతం అందించగా మైత్రి మూవీ మేకర్స్ సంస్థ దీనిని భారీ స్థాయిలో నిర్మించింది. రిలీజ్ అనంతరం థియేటర్స్ లో ఆడియన్స్ ని అలరించిన ఖుషి మూవీ అక్టోబర్ 1 నుండి ప్రముఖ ఓటిటి మాధ్యమం నెట్ ఫ్లిక్స్ ద్వారా అందరికీ అందుబాటులోకి వచ్చింది.
కాగా మ్యాటర్ ఏమిటంటే, తాజాగా ఖుషి మూవీ నెట్ ఫ్లిక్స్ లో ఇండియా వైడ్ గా టాప్ 10 మూవీస్ లో 7వ ప్లేస్ ని దక్కించుకుంది. ఈ లవ్, ఫ్యామిలీ యాక్షన్ ఎంటర్టైనర్ కి అన్ని భాషల ఆడియన్స్ నుండి మంచి రెస్పాన్స్ లభిస్తున్నట్లు తెలుస్తోంది. మొత్తంగా తమ సినిమాకి ఓటిటి లో కూడా మంచి రెస్పాన్స్ లభిస్తుండడంతో ఖుషి టీమ్ ఆనందం వ్యక్తం చేస్తోంది.
