రామ్ పోతినేని ‘స్కంద’ ఓటిటి రిలీజ్ డేట్ లాక్

యువ నటుడు రామ్ పోతినేని హీరోగా మాస్ యాక్షన్ సినిమాల దర్శకుడు బోయపాటి శ్రీను దర్శకత్వంలో తెరకెక్కిన లేటెస్ట్ మూవీ స్కంద. ఈ మాస్ యాక్షన్ ఫ్యామిలీ ఎంటర్టైనర్ మూవీ ఇటీవల ప్రేక్షకుల ముందుకి వచ్చి యావరేజ్ విజయాన్ని సొంతం చేసుకుంది. శ్రీలీల హీరోయిన్ గా నటించిన స్కంద కు థమన్ సంగీతం అందించగా కీలక పాత్రల్లో శ్రీకాంత్, సాయి మంజ్రేకర్, దగ్గుబాటి రాజా, గౌతమి తదితరులు నటించారు.

అయితే ఈ మూవీ యొక్క ఓటిటి రిలీజ్ కోసం ఆడియన్స్ ఎంతో ఉత్సాహంగా ఎదురుచూస్తున్నారు. కాగా ఈ మూవీని నవంబర్ 2న తమ ఓటిటి ఆడియన్స్ ముందుకి తీసుకురానున్నట్లు దీని డిజిటల్ హక్కులు కొనుగోలు చేసిన డిస్నీ హాట్ స్టార్ వారు కొద్దిసేపటి క్రితం ప్రకటించారు. మరి వెండితెరపై ఆకట్టుకున్న స్కంద ఎంతమేర ఓటిటి ఆడియన్స్ ని మెప్పిస్తుందో తెలియాలి అంటే మరొక నాలుగు రోజులు ఆగాల్సిందే.