టాలీవుడ్ లెజెండరీ హీరో మెగాస్టార్ చిరంజీవి హీరోగా మాస్ మహారాజ ఒక ముఖ్య పాత్రలో దర్శకుడు కె ఎస్ రవీంద్ర(బాబీ) తెరకెక్కించిన రీసెంట్ సెన్సేషనల్ హిట్ చిత్రం “వాల్తేరు వీరయ్య”. మరి ఈ ఏడాది సంక్రాంతి కానుకగా వచ్చి భారీ వసూళ్లు అందుకున్న ఈ చిత్రం రీసెంట్ గానే తెలుగులో స్మాల్ స్క్రీన్ ఎంట్రీ కూడా ఇచ్చింది.
అయితే ఈ చిత్రం ఇప్పుడు తమిళ్ వెర్షన్ లో కూడా వరల్డ్ ప్రీమియర్ గా టెలికాస్ట్ అయ్యేందుకు సిద్ధం కాగా రేపు అక్టోబర్ 29న మధ్యాహ్నం 3 గంటలకి అయితే ఈ సినిమా విజయ్ టెలివిజన్ ఛానెల్లో ప్రసారం కానుంది. మరి ఇక్క ఇంట్రెస్టింగ్ ప్రశ్న ఏమిటంటే తమిళ నాట బుల్లితెర మీద మెగాస్టార్ గత పాన్ ఇండియా చిత్రం “సైరా నరసింహా రెడ్డి” కి భారీ రికార్డు ఉంది.
ఆ చిత్రానికి 15.44 టీఆర్పీ రేటింగ్ నమోదు కాగా టాలీవుడ్ చిత్రాల్లో అయితే ఇదొక భారీ రికార్డుగా ఉంది. మరి ఇప్పుడు వీరయ్య దీనిని బ్రేక్ చేస్తాడో లేదో అనేది చూడాలి. ఇక ఈ చిత్రానికి దేవిశ్రీ ప్రసాద్ సంగీతం అందించగా శృతి హాసన్ హీరోయిన్ గా నటించింది. అలాగే మైత్రి మూవీ మేకర్స్ నిర్మాణం వహించిన సంగతి తెలిసిందే.
