నార్నే నవీన్, సంగీత శోభన్, రామ్ నితిన్, గౌరీ ప్రియా, ఆనంతిక, గోపిక ఉదయన్ తదితరులు కీలక పాత్రల్లో, డైరెక్టర్ కళ్యాణ్ శంకర్ దర్శకత్వంలో తెరకెక్కిన యూత్ ఫుల్ ఎంటర్ టైనర్ మ్యాడ్. ఈ సినిమా బాక్సాఫీస్ వద్ద హిట్ టాక్ తో మంచి వసూళ్లను రాబట్టింది. ఇక ఈ సినిమాకు సంబంధించి తాజా అప్ డేట్ ఏమిటంటే, ఈ చిత్రం ఈ శుక్రవారం (నవంబర్ 3, 2023) నెట్‌ ఫ్లిక్స్‌ లో గ్రాండ్ గా ఓటీటీ అరంగేట్రం చేయబోతుంది. అయితే, మేకర్స్ – స్ట్రీమింగ్ సర్వీస్ నుంచి అధికారిక ప్రకటన వెలువడాల్సి ఉంది.
మొత్తానికి లేటెస్ట్ యూత్‌ఫుల్ ఎంటర్‌టైనర్ గా మ్యాడ్ కి ఆడియన్స్ లో ఫుల్ క్రేజ్ ఉంది. కాబట్టి.. ఓటీటీ లో కూడా ఈ సినిమా సూపర్ హిట్ అవుతుందని అంచనాలు ఉన్నాయి. సూర్యదేవర నాగ వంశీ సమర్పించిన ఈ సినిమాకి ఫార్చూన్ ఫోర్ సినిమాస్‌పై సాయి సౌజన్య, హారికా సూర్యదేవర నిర్మాతలుగా వ్యవహరించారు. ఈ చిత్రంతో కళ్యాణ్ శంకర్ దర్శకుడిగా మంచి హిట్ ను అందుకున్నారు.
