నార్నే నవీన్, సంగీత శోభన్, రామ్ నితిన్, గౌరీ ప్రియా, ఆనంతిక, గోపిక ఉదయన్ ప్రధాన పాత్రల్లో నటించిన లేటెస్ట్ కాలేజ్ యాక్షన్ కామెడీ ఎంటర్టైనర్ మూవీ మ్యాడ్. యంగ్ డైరెక్టర్ డైరెక్టర్ క‌ళ్యాణ్ శంక‌ర్ క్రియేట్ చేసిన కామెడీతో పాటు ఆకట్టుకునేలా రాసుకున్న పంచ్ డైలాగ్స్ థియేట‌ర్ల‌లో ఆడియన్స్ ని అల‌రించాయి. చిన్న సినిమాగా రిలీజ్ అయి పెద్ద సక్సెస్ సొంతం చేసుకుంది మ్యాడ్ మూవీ. రూ. 2. 5 కోట్ల బ్రేక్ ఈవెన్ టార్గెట్‌తో రిలీజైన ఈ మూవీ రూ. 25 కోట్ల‌కుపైగా గ్రాస్‌ను, రూ. 12 కోట్ల‌కుపైగా షేర్‌ను రాబ‌ట్టి నిర్మాత‌ల‌కు మూడింత‌ల లాభాల్ని అందించింది.
మ్యాడ్ మూవీలో డైరెక్టర్ కేవీ అనుదీప్ అతిథి పాత్ర‌లో క‌నిపించారు. భీమ్స్ సిసిరోలియో సంగీతాన్ని అందించాడు. ఇక థియేటర్స్ లో అలరించిన ఈ మూవీ యొక్క ఓటిటి రిలీజ్ కోసం ఎదురుచూస్తున్న వారికి మొత్తానికి తాజాగా గుడ్ న్యూస్ లభించింది. కాగా ఈ మూవీ ప్రముఖ ఓటిటి మాధ్యమం నెట్ ఫ్లిక్స్ ద్వారా నవంబర్ 3న ఓటిటి ఆడియన్స్ ముందుకి రానుంది మ్యాడ్. మరి ఇది బుల్లితెర ఆడియన్స్ ని ఎంతమేరకు ఆకట్టుకుంటుందో చూడాలి.
